| № |
Умумий йиғилиш томонидан қабул қилинган қарорнинг тўлиқ шакли |
| 1 |
Жамият ижро органи раиси Р. Каримовнинг 2020 йил якуни, бизнес режанинг бажарилиши бўйича хисоботи маълумот учун қабул қилинсин. |
| 2 |
Давлат активларини бошқариш агентлигининг 2021 йил 31 майдаги 2506/03-08-сонли кўрсатмаси, Ўзбекистон Республикаси Вазирлар Маҳкамасининг 2019 йил 26 апрелдаги 356-сонли қарори талабларига асосан, 2020 йилда бизнес режанинг асосий кўрсаткичлари бажарилмаганлиги учун жамиятнинг амалдаги бошқарув раиси билан меҳнат шартномасини 2021 йил бизнес режа кўрсаткичларини сўзсиз бажариш, жамиятни молиявий холатини яхшилаш шарти билан, жамият ижро органи раиси вазифасини вақтинча бажарувчи этиб сайлансин ва шартнома тузилсин. |
| 3 |
Жамият кузатув кенгашининг 2020 йилги фаолияти бўйича ҳисоботи тасдиқлансин. Давлат активларини бошқариш агентлигининг 31 май 2021 йилдаги № 2506/03-08 сонли кўрсатмасига асосан, жамият кузатув кенгаши ва тафтиш комисияси аъзоларини сайлаш, Ўзбекистон Республикаси Вазирлар Махкамасининг 2019 йил 26 апрелдаги "Давлат активларини бошқариш тизимини янада такомиллаштириш чора тадбирлари тўғрисида”ги 356-сонли қарори талабларига мувофиқ номзодлар келушилгунга қадар кўрмасдан қолдириш таклифи маъқуллансин. |
| 4 |
2020 йил якуни бўйича "AUDIT UNION” AT МЧЖ аудиторлик ташкилоти текшируви хулосаси тасдиқлансин. 2021 йил якуни бўйича аудиторлик текшируви ўтказилиши учун аудиторлик ташкилотини танлаш, шартнома тузиш ва унга тўланадиган хақ миқдори белгилаш, жамият кузатув кенгашига юклатилсин. |
| 5 |
Жамиятнинг 2020 йил молиявий ҳисоботи ва бухгалтерия баланси тасдиқлансин |
| 6 |
Жамиятнинг 2020 йил якуни бўйича олинган соф фойдаси 124392,0 минг сўм қуйидаги тартибда тақсимлансин ва белгиланган муддатларда тўловлар амалга оширилиши таъминлансин: - 5 % - 6219,6 минг сўм – Жамиятнинг захира фондига; - 75 % - 93294,0 минг сўм - акциядорларга дивиденд учун; - 10 % - 12439,2 минг сўм – жамиятни ривожлантириш фондига; - 10% - 12439,2 минг сум - Жамият кузатув кенгаши, тафтиш комиссия раиси ва ижро органи аъзоларини рағбатлантиришга. |
| 7 |
Жамиятнинг 2021 йилга мўлжалланган «Бизнес Режа»си тасдиқлансин |
| 8 |
Жамиятда, корпоратив бошқарув тизими баҳолаш бўйича мустақил ташкилот "Аудит–Union” АТ МЧЖ томонидан баҳолаш хулосаси тасдиқлансин. |
| 9 |
"Хоразмсувқурилиш” АЖга қарашли "Урганчсувқурилиш” УК балансидаги Урганч шаҳар Саноатчилар кўчаси 1-уйда жойлашган бино-иншоотларни баҳолаш қийматини Давлат мулкини сотишда тендер савдоларини ўтказиш бўйича давлат комиссияси йиғилишининг 2021 йил 28 апрелдаги 9-сон баёни 4-иловаси 4-банди 6-позицияси билан белгиланган тартибда "Хоразмсувқурилиш” АЖнинг жами активларининг баҳолаш қийматига пропорционал қийматда, жамият устав капиталидаги давлат улушини камайтириш ҳисобига бино-иншоотларни 50 млн. АҚШ доллари миқдорида инвестиция киритиш ва камида 120 та янги иш ўринлари яратиш шарти билан "1 сўм” бошланғич қийматда "E-ijro auksion” савдо майдончасига аукцион савдоларига чиқариш мақсадида маҳаллий ҳокимлик балансига ўтказилсин. |
| 10 |
Мазкур йиғилиш қарорларининг бажарилишини таъминлаш жамиятнинг муҳим аҳамиятли фактлари ҳакида белгиланган тартибда жамият веб сайтида, корпоратив ахборот ягона порталида эълон қилиш вазифаси жамият бошқаруви раиси Р. Каримов, бош ҳисобчи Қ. Йўлдошев, жамият акциядорлари билан корпоратив алоқа хизмати етакчи мутахассиси М. Бобониязовга юклатилсин. |
